Bike-Tour Savognin 12. / 13. Juli 2003

Seite 2 von 4

De Rescht hett di 2. Etappe richtig Bergstation Radons in Agriff gno. 

d'Sunne hätt ois de Ufstig nöd liechter gmacht, aber d'Landschaft und die herzige Dörfli hend ois vom Trample abglänkt und ois dopplet entschädiget. Natürli händ mer au as Calanda dänkt wo ois im Berghaus Radons erwartet hätt. 

Nach em 1. Durstlösche isch au scho d'Downhill-Truppe zu ois gstosse, wo ihres Calanda dopplet verdient hätt. Sie sind nach dä halsbrecherische Downhillstrecki, wo all guet überstande hend, (sowieso die ohni Gabelfäderig), vo Savognin id Mittelstation mitem Sässelilift und denn au trampelnd id e Bergstation acho. Mer händ uf de schöne Terasse no d'Sunne chönne gnüsse und händ druf g'achtet dass mer de Flüssigkeitshushalt wieder chönd is Glichgwicht bringe. 

Nachem Zimmerbezug und dä verdiente Duschi hämmer mit chnurrende Büch uf de Znacht gwartet. S'Esse isch mega gsi, und es hätt sportlichi Portione geh! D'Chnoblipizokkel händ ihri Würkig hinderlah, sowie au de Malanser, s'Calanda, d'Grappas u.s.w. S'Berghaus Radons isch au Zwüschezitlich im Nebel gsi, wo öppe 7 Gipfelzigarre entfacht worde sind.

Di ganz Muetige händ dänn uf all das abe no en Lumumba mit em im Bidonhalter transportierte Schoggitrink abegstürzt. De Muet hätt sich glohnt, jezz isch au d'Chöchin für's 24-h Renne gsicheret. (Was mer nöd alles so verspricht zu später Stunde..)

Eigentli hätt's einigi Highlights geh am Abig:

- Wädi's Röteli-Rundi zu sim Geburri

- Xandis Red als Präsident zum 10-Jährige Bike-Weekend Jubiläum

- D'Freibier oder au d'Frei-Malanser Rundi zum 10-Jährige Jubiläum

- Em Rägi sini Red zu sim persönliche 10-Jährige Biketour Jubiläum (Helm ab!!)

- Bilder-Rücken dur gwüssi Dame

- und suschtigi Rede dur anderi redseligi Biketourteilnehmer

- ..u.s.w.

Nach dem ereignisriche 1. Tag simmer all früener oder au spöter kabutt is Bett kroche und händ vo de bevorstehende Talabfahrt troimt.

Fortsetzig

Another one bites the dust	Hardtail	Raegi	Michel
Summervogel	Dodi	Stefan	Marc
Uschi	Downhiller	Downhill	Xandi
Xandi	Michel	Toni	Susi
Alles Suspension- Schwöschtere!!!!!	Berggasthaus Radons	Gartebeiz	Hallo
Apfelwein	Verdientes Bier	Garage	reusper
Geschafft	Yeaah	Bild	Ex
Lumumba	blablabla	Jawoll	ich han di Gern

Seite 2 von 4

Bike-Touren Übersicht

  Hockey - Bike

Start - Flash-Home - Html-Home